Select Page

 

Hágæða ítölsku jómfrúar ólífuolíurnar frá OLIFA

Olíur okkar fást á eftirfarandi stöðum:
Hagkaup – Krónan – Hafið Fiskverslun – Fiskkompaní á Akureyri – Systur og Makar

Team O L I F A

OLIFA var stofnað í byrjun árs 2017 en eigendur fyrirtækisins eru hjónin Emil Hallfreðsson atvinnumaður í knattspyrnu og eiginkona hans Ása Reginsdóttir en þau hafa verið búsett á Ítalíu í liðlega tíu ár. Þau, ásamt Fransesco Allegrini og Paola Sartori eru stofnendur og eigendur OLIFA.
Öll deila þau brennandi áhuga á góðum mat og saman hafa þau því eytt ófáum stundum á ítölskum veitingahúsum og
notið þeirra hráefna sem Ítalir eru hvað færastir í að framleiða og matreiða.

OLIFA hefur tekist að sameina hin ýmsu hágæða ítölsku hráefni undir einn hatt, sem Íslendingum gefst nú kostur á að njóta,
betur en nokkurn tímann áður. Fransesco Allegrini er sonur eins ástsælasta vínbónda Ítalíu, Franco Allegrini og þökk sé fjölskyldufyrirtæki þeirra, Allegrini Winery sem valið var vínhús Ítalíu 2016, fær OLIFA að njóta góðs af þeirra tengslum og umhverfi í matvælaiðnaðinum.
Í krafti  þessara tengsla, ástríðu og áhuga fyrir góðum mat hefur okkur hjá OLIFA því tekist að leiða hin ýmsu hágæða ítölsku hráefni saman við hagstætt verð fyrir íslenska neytendur. Það sést líklega best á því að Regionale jómfrúar olían okkar frá Puglia var valin ein besta olía Ítalíu 2017 og í fyrsta sinn fæst ítölsk DOP jómfrúar olía nú á Íslandi, en DOP er mikilvægur gæðastimpill á ítölskum matvælum.

Ósk okkar er sú að allir Íslendingar fái að njóta þess besta sem Ítalía hefur upp á að bjóða og að hágæða jómfrúar ólífuolía
sé ekki munaðarvara sem enginn hefur efni á heldur nauðsynjavara og mikilvægur partur af mataræði Íslendinga.

Við vonum af öllu hjarta að OLIFA standist ykkar kröfur og muni færa ykkur aukin gæði í hina hversdagslegu eldamennsku.

Við fögnum því að vörurnar frá OLIFA fáist nú á Íslandi.

Olíur okkar fást í útvöldum verslunum Krónunnar, Hafið Fiskverslun,  Fiskkompaní á Akureyri og Systur og Makar.

BUON APPETITO !

Gæðastimpillinn DOP

Ítalskur gæðamatur er einstakur og það vita Ítalir vel enda hafa ítölsk stjórnvöld stigið mikilvæg skref í að tryggja
að þeirra besti og þjóðlegasti matur fylgi ákveðnum reglum varðandi gæði, framleiðslu
og uppruna með því að merkja hann sem slíkan fyrir neytendur með skammstöfuninni DOP.

DOP stendur fyrir ,,Denominazione di origine protetta“ sem þýðir að varan sé komin frá
ákveðnu svæði og unnin/framleidd og pökkuð samkvæmt ströngustu gæðastöðlum.

Við hjá OLIFA erum því mjög stolt af því að geta loksins boðið Íslendingum upp á hágæða ítalska DOP olíu á íslenskri grundu.

Hvernig notum við ítalska jómfrúar ólífuolíu?

Best er að bera ítalska extra vergine ólífuolíu (jómfrúarolíu) fram hráa
en hún er líka hinn besti kostur í alla eldamennsku, svo sem í ofnbakaðan og grillaðan mat.

Hágæða ítölsk jómfrúar ólífuolía er frábær á allt kjöt og fisk og kemur fullkomlega í stað sósu.

Hágæða ítölsk jómfrúar ólífuolía er frábær í saumaklúbbinn borin fram með súrdeigsbrauði og grófu salti.

Hágæða ítölsk jómfrúar ólífuolía er frábær á alla pastarétti.

Hágæða ítölsk jómfrúar ólífuolía er frábær á ferskt salat.

Hágæða ítölsk jómfrúar ólífuolía er frábær á ofnbakað og grillað grænmeti.

Hágæða ítölsk jómfrúar ólífuolía er frábær í súpur.

Hágæða ítölsk jómfrúar ólífuolía er frábær í græna drykki.

Hágæða ítölsk jómfrúar ólífuolía gerir allan mat hollari og mun betri.

Hágæða ítölsk jómfrúar ólífuolía er ómissandi í líf þitt, svo einfalt er það.

Eiginleikar hágæða jómfrúar ólífuolíu

Hágæða extra vergine ólífuolía ( jómfrúar ólífuolía) er undirstaða mataræðis við Miðjarðarhafið sem talið er að sé eitt það besta í heimi.
Búið er að rannsaka ólífuolíuna mikið og virðast allir læknar og vísindamenn vera hjartanlega
sammála um að hágæða jómfrúar ólífuolía sé meinholl fyrir mannslíkamann.
Hún er stútfull af andoxunarefnum en extra virgin ólífuolía ( jómfrúar ólífuolía) er sú tegund sem inniheldur
hvað mest magn andoxunarefna og því skal vanda valið vel þegar kemur að olíum.

Val og meðhöndlun

Gæða jómfrúarolía er alltaf í dökkum glerflöskum og það er mikilvægt að geyma þær hvorki í
beinu sólarljósi né nálægt hita til að varðveita viðkvæm en mikilvæg næringarefni olíunnar.
Ítalskar lífrænar jómfrúarolíur eru alltaf góður kostur sem og olíur með gæðastimpli svosem DOP.
Best er að bera hágæða jómfrúarolíur fram hráar til að fá sem mest út úr olíunum næringarlega séð.

Hágæða jómfrúar ólífuolía og sjúkdómar

Hágæða jómfrúarólífuolía samanstendur af einómettuðum, mettuðum og fjölómettuðum fitusýrum.
Hún er rík af andoxunarefnunum K og E vítamínum sem rannsóknir hafa sýnt að sum styrkja ónæmiskerfið og geta jafnvel hjálpað líkama okkar að berjast við alvarlega sjúkdóma svo sem Alzheimer, krabbamein, hjarta- og æðasjúkdóma, beinþynningu og sykursýki 2.
Ólífuolían er einnig sögð lækka heildarkólesteról, LDL, og þríglýseríð.
Hún lækkar þó ekki góða kólesterólið (HDL) en getur jafnvel haft jákvæð áhrif á það og hækkað gildi þess.

Af öðrum fitugjöfum ólöstuðum er jómfrúar ólífuolían sennilega hjartvænlegasta olían sem fyrirfinnst
og ætti hún því að vera á diskum allra landsmanna á degi hverjum.

Hágæða ólífuolía mettar sérlega vel og smyr líkamann, slær á sykurþörf og jafnar blóðsykur.

Frekari upplýsingar um jákvæð áhrif hágæða jómfrúar ólífuolíu á mannslíkamann er að finna á heimsíðunni www.oliveoiltimes.com

Olíur okkar fást í útvöldum verslunum Krónunnar, Hafið Fiskverslun,  Fiskkompaní á Akureyri og Systur og Makar.

info@olifa.is